Аудандық білім бөлімінің жоспарына сәйкес, 9 Мамыр – Жеңіс күніне арналған мектепішілік іс-шара өтті

2025 жылғы 5 Мамыр күні мектебімізде Ұлы Отан соғысындағы Жеңістің 80 жылдығына арналған салтанатты іс-шара өтті. Мақсаты – жас ұрпақтың бойында патриоттық сезімді қалыптастыру, Отан қорғаушыларға деген құрметті арттыру және тарихты ұмытпай, батыр бабалар ерлігін бағалай білуге тәрбиелеу.
Іс-шара барысында оқушылар соғыс тақырыбына арналған көріністер қойып, ән айтып, өлең оқыды. Сонымен қатар, ардагерлерге тағзым ретінде бір минут үнсіздік жарияланып, олардың ерліктері туралы баяндамалар оқылды.
Округ әкімі сөз сөйлеп, Жеңіс жолында жанын қиған батырлардың рухына тағзым етіп, бейбіт өмірдің қадірін білуге шақырды.
Бұл шара оқушылар үшін тәрбиелік мәні зор, әсерлі де мазмұнды жиын болды.