Соңғы қоңырау
Сыңғырла соңғы қоңырау
2018 жылдың 25 мамырында №19 орта мектебінде «Сыңғырла соңғы қоңырау» атты салтанатты көңіл толқытар шара өтті. Білім шаңырағын биыл 49 түлек тәмамдап отыр. Алтын ұя мектебінен ұшқалы отырған түлектер мен оқу жылын артқа тастап, сыныптан-сыныпқа қадам басқан оқушыларды жиынға арнайы шақырылған мектебіміздің ардагер ұстаздары Бейсенбаев Жұмабек Исмаилұлы, Чатуев Нажмадин Ахмедович және аудан, ауыл әкімшілігінен келген қонақтар құттықтады. Түлектер алтын ұя мектебімен, он бір жыл оқытып, білім мен тәрбие берген ұстаздарымен қимастықпен қоштасып, жүрекжарды тілектері мен музыкалық сәлемдерін жолдады.
Салтанатты шарада жыл бойына ізденісті еңбек еткен ұстаздар мен үздік нәтиже көрсеткен шәкірттер марапатталды. Ата- аналар атынан Жанат Қуанбекова сөз алып,ұстаздарға деген алғысын жеткізді.
Сыңғырлаған қоңырау үні- алтын ұя мектеппен қоштасар сәттің келгенін жеткізді.
