«Кезекші және штаттық режимдегі сыныптар үшін Kundelik.kz-тегі өзгерістер» тақырыбында онлайн-вебинар

Жетекші №19 орта мектебіне бекітілген серіктес мектептер мен Ащыбұлақ ауылдық округіне қарасты №4, №20, №29, №36, №37, №43, №44  орта мектептері арасында мектебімізде құрылған  қоғамдық жоспарға сәйкес директордың оқу-тәрбие істері жөніндегі орынбасары Балғабаева Ақерке Әбдімәжитқызының ұйымдастыруымен «Кезекші және штаттық режимдегі сыныптар үшін Kundelik kz-тегі өзгерістер» тақырыбында онлайн-вебинар өткізілді. Барлығыңызға мәлім, 2020-2021 оқу жылының ІІІ оқу тоқсанында 9,11 сыныптар штаттық режимге көшті. Сол себепті  Кезекші және штаттық режимдегі сыныптар үшін Kundelik kz-тегі өзгерістермен таныстыру мақсатында өткен вебинарда А.Балғабаева алғы сөз алып, қатысушыларды вебинар жоспарымен таныстырып өтті. «Журналды толтыру және бағалау түрлері» бойынша информатика пәнінің мұғалімі Ермаханова Ұлғаным Ермаханқызы, «Сыныптарды топқа бөлу, кесте жасау жолдары» тақырыбы бойынша мектептің жүйелік администраторы Алдажарова Салима Нұрланқызы, «Күнтізбелік тақырыптарды жариялау, бейне сабақтарды өткізу» бойынша информатика пәнінің мұғалімі Асқарова Жұлдыз Асылжанқызы, аталған мұғалімдер осы күнгі көкейтесті тақырыптарды аша отырып, әр сыныпты, әр пәнді  мысал ретінде алып, көпшілікке ауқымды түрде түсіндіре білді. Сұрақ-жауап алмасу бөлімінде қосымша қойылған сұрақтарға  берілген жауаптар қатысушыларды  қанағаттандырды. Қорытынды бөлімде модератор А.Балғабаева сөз алып,  ал қатысушылар алғыстарын жаудырып, кері байланыс берді.