«Мәтінмен тиімді жұмыс жүргізу жолдары» тақырыбында шебер-сынып өтті

«Мәтінмен тиімді жұмыс жүргізу жолдары» тақырыбында шебер-сынып өтті

Білім беру үдерісін жаңғырту және оқушылардың мәтінмен жұмыс істеу дағдыларын дамыту мақсатында 2025 жылғы 14 сәуірде №19 орта мектепте «Мәтінмен тиімді жұмыс жүргізу жолдары» тақырыбында шебер-сынып ұйымдастырылды.
Шебер-сынып барысында мектебіміздің зерттеуші-педагог ұстаздары: Қасымбаева Г.К., Солтанқұлова З.А., Шолпанбаева З.Б. өз іс-тәжірибелерімен бөлісті. Шараға бастауыш сынып мұғалімдері қатысты.
Шебер-сыныптың негізгі мақсаты — оқу үдерісінде мәтінмен тиімді жұмыс жүргізу әдістемесін ұсыну, сондай-ақ әртүрлі мәтін түрлерін (көркем, ғылыми, публицистикалық) оқу және талдау әдістерін тәжірибе жүзінде көрсету болды.
Іс-шара мұғалімдердің кәсіби шеберлігін арттырып, тәжірибе алмасуға мүмкіндік берді. Қатысушылар мәтінмен жұмыста қолдануға болатын жаңа әдіс-тәсілдермен танысып, өз ойларымен, тәжірибелерімен бөлісті. Шара соңында кері байланыс беріліп, бірлескен рефлексия жүргізілді.
Мұндай шаралар мұғалімдердің шығармашылық ізденісін арттырып, білім сапасын көтеруге ықпал етеді.