Ас - адамның арқауы!

Адамзат денсаулығын сақтаудың басты шарты - дұрыс тамақтану. Сондықтан тамақтануға ерекше көңіл бөлген жөн. Тамақ құрамының құндылығы басты назарда болғаны дұрыс. Осы орайда N19 орта мектебінде буфетті жалға алушы Р.Умбеталиева мен буфет қызметкерлерінің еңбектерін орасан зор деп айтуға болады. Мектеп бойынша көп балалы отбасы балаларының саны - 288, аз қамтылған отбасы бала саны-53, ААҚҚ (ата-ана қамқорлығынсыз қалған оқушы)-5, жетім бала-5. Мектебімізде әлеуметтік педагогтар А.Абу мен А.Асылхан оқушы құжаттарын дайындауда уақытпен санаспай жұмыс жасап, осы күндері 183 оқушы тегін ыстық тамақпен қамтылса, 15оқушы буфетті жалға алушы есебінен күнделікті , уақытымен тамақ ішіп, буфет қызметкерлеріне ата-аналар алғыстарын айтуда. Мектеп буфеті санитарлық-гигиеналық талаптарға сай жабдықталған, ыдыс-аяқтары жеткілікті, әрі таза, үнемі қайнатылған суы дайын.
Тиімді, дұрыс тамақтану денсаулықты сақтауға, ағзаның қалыпты өсуі мен дамуына, жұмыс қабілетінің жоғарылауына және ағзаның қоршаған ортаның әр түрлі жағымсыз әсеріне қарсылығын күшейтуге ықпалын тигізеді.