АЛМАТЫ ОБЛЫСЫНЫҢ ЖЕДЕЛ ШТАБЫНАН МАҢЫЗДЫ ХАБАРЛАМА!

Жер сілкінісінің салдарына байланысты барлығыңыздан мұқият болып, келесі нұсқауларды орындауларыңызды сұраймыз:1. ТЖ жою жөніндегі жедел штаб ғимараттардың, нысандарының және гидротехникалық құрылыстардың жай-күйін бақылайды. Құтқару қызметтерінің нұсқауларын сақтау және эвакуациялауға дайын болу қажет.

2. ТЖД сейсмикалық белсенділікке талдау жүргізеді және ағымдағы жағдай туралы хабардар етеді. Жедел штабтың ақпаратын қадағалаңыз.

3. Өрт сөндірушілер жер сілкінісінен кейінгі өрттерге тез арада барады. Құтқарушылардың нұсқауларын орындаңыз және өрт қауіпсіздігін назардан тыс қалдырмаңыз.

4. Медициналық пункттер зардап шеккендерді қабылдауға дайын. Қажет болса, медициналық көмекке жүгінуден тартынбаңыз.

5. Полиция департаменті тәртіпті қамтамасыз етеді, қозғалысты реттейді және эвакуацияға көмектеседі. Сіздің қауіпсіздігіңіз үшін полиция қызметкерлерінің нұсқауларын орындаңыз.

6️. ТКШ қосымша қауіптердің алдын алу үшін коммуналдық қызметтерді уақытша өшіруі мүмкін. Оларға жұмыс жүргізуге көмектесіңіз және нұсқауларды орындаңыз.

7. Баспасөз қызметі Сіздерді барлық жаңалықтармен ақпараттандырады және төтенше жағдай кезінде іс-әрекеттер бойынша ұсыныстар береді. Жаңалықтарды қадағалаңыз және жалған ақпарат таратпаңыз.

Осы қиын сәтте мұқият болыңыздар, нұсқауларды орындаңыз және бір-біріңізге көмектесіңіз.