27
сентябрь
2021
Қазақ тілі-мәңгілік тіл
«№19 орта мектеп КММ» ағымдағы жылдың 13-23 қыркүйек аралығында қазақ тілі мен әдебиеті пәні бірлестігінің онкүндігі өткізілді. Тақырыбы: «Қазақ тілі – мәңгілік тіл».
Онкүндік барысында пән мұғалімдері үлгілі ашық сабақтар, әр түрлі сыныптан тыс шаралар ұйымдастырды. Атап айтқанда, қазақ тілі мен әдебиеті пәнінің мұғалімі Алдабергенова Гүлжаһан Кубашевна 10 «б» сыныбында «Түркісіб теміржолы», Қожабергенова Мариямгүл 6 «в» сыныбында «Қазақстан қорықтары – табиғат байлығы, Саменова Халамқас, Алдабергенова Гүлжаһан Кубашевна 3 «ж» сыныбымен «Тілім менің тірегім» әдеби сахналық қойылым, Қожабергенова Мариямгүл, Тәпсір Сәулегүл 7 «а», 7 «в» сыныптар арасында «Тіл білгірі» сайысын өткізді. Сондай-ақ 9 «ә» сыныбымен Темірбекова Ғалия Жубаткановна «Шешендік сөздер. Мөңке би» тақырыбында үлгілі ашық сабағын өткізді.
Мемлекеттік тіл жайын арқау еткен «Қазақ тілінің қазіргі жағдайы көңіл көншіте ме?» деген тақырыпта 9 «ә», 9 «б» сыныптар арасында пікірталас өтті. Қазақ тілі мен әдебиеті пәнінің мұғалімдері Тауекел Лашын, Темирбекова Ғалия Жубаткановна ұйытқы болған шараға оқушылар белсене қатысты.
Машурова Гүлзира ҚР Тәуелсіздігіне 30 жыл толуына орай 5-9 сыныптар арасында «Үкілі үміт» жас суретшілер байқауын ұйымдастырды.