" АПФ-формат" тақырыбындағы семинар өтті

Білім беруді дамыту оқу-әдістемелік орталығының әдіскері Баченов Оралбек Оралбайұлының ұйымдастыруымен пікірсайыс клуб жетекшілеріне тәжірибе алаңын ұйымдастыру, шеберліктерін шыңдау мақсатында ұйымдастырылған "АПФ-формат" тақырыбындағы аудандық семинардың бейнеесебін назарларыңызға ұсынамыз. 
    Семинарға аудандық пікірсайыс клубының жетекшілері,білім беруді дамыту оқу-әдістемелік орталығының әдіскері Баченов Оралбек Оралбайұлы, аудандық дебат ойындарының тұрақты төрешілері Ибраева Хамар Мукаметкалиевна, Елемесов Жанибек Кажмуханович, Турганбаева  Жулдыз Тажибекқызы, Әбдірахман Нұрай Аюбқызы, Кульжанов Ануарбек Бөрібайұлы және арнайы Қарасай ауданынан дебат ойындарының жанашыры Дәуірхан Жасұлан Асқарұлы қатысты. 

Ауданымызда осы кезге дейін түрлі деңгейде оқушылар арасында дебат сайыстары ұйымдастырылып, шәкірттеріміз облыстық, республикалық деңгейлердегі бәсекелерде үздік атануда. Осы тұрғыда бұл жұмыстарды одан әрі жаңғырту үшін бұл семинардың маңызы зор болды.