«Қарттарын қадірлеген ел ардақты»

1 қазан – Халықаралық қарттар күніне орай, «Қарттарын қадірлеген ел ардақты» атты мерекелік шара өтті. Атаулы шараға округ әкімі Оңалбаев Жасұлан Шерәліұлы қатысып, жиналған көпшілікті мерекемен құттықтады.
– Ардақты ағайын! Сіздерді «1 қазан – Халықаралық қарттар күні» мерекесімен шын жүректен құттықтаймын! Қария – ағып жатқан дария, телегей теңіз іспеттес. Теңіздің тұнығы, дарияның тазалығы қандай болса, бізде өздеріңізді сондай деп білеміз. Бүгінде ата-әжелеріміз әр шаңырақта немере-шөберелеріне өзінің ақылын айтып, тәлімді тәрбиесін беріп, ұлағатты ұғымдарды сіңіріп отыр.

Қарттары бар ел – бақытты ел, байыпты ел. Қай кезде де, небір сын сағатта да халқына сүйеу, жұртына қамқор болатын қарттарымыз аман болып, ұрпағының қуанышына бөлене бергей! Сіздерді бүгінгі мерекелеріңізбен шын жүректен құттықтай отырып, дендеріңізге саулық, ұзақ ғұмыр, әулеттеріңізге амандық, ырыс-несібе тілеймін,– деп округ әкімі жылы лебізін білдірді.
Мұнан кейін әр салада табанды еңбек етіп, ауданның дамуына елеулі үлес қосып, қазіргі күні зейнет демалысына шыққан ардагерлер округ әкімінің Алғыс хатымен марапатталды.
.Әрі қарай мектебіміздің күміс көмей әншілері мен мың бұралған бишілердің өнері тамашаланды
https://youtu.be/Us4IAvmeZBU