Қазақ поэзиясының Хантәңірі

2023 жылдың 9 ақпанында мектебімізде ақиық ақын Мұқағали Мақатаевтың туған күніне орай мектебіміздің  тәжірибелі ұстаздары Нуртаева Мейіркүл, Қожабергенова Мариямгүл, жас маман Бекболат Дана және  музыка пәні мұғалімі Мусаева Ғалияның  ұйымдастыруымен  "Қазақ поэзиясының Хантәңірі" атты мектепішілік байқау өтті.  Байқаудың  мақсаты -  қазақ поэзиясының мұзбалағы атанған ақынның  өлең-жырлары мен әндерін насихаттау. Ақынның жауһар жырларымен көрермендерді сусындатқан  жыр мерекесіне мектебіміздің 5 - 11 сынып оқушылары белсене қатысты. Көрігі қыза түскен жыр додасының ережелерімен таныс болған үміткерлер ақынның өлеңдерін жатқа айтып өз өнерлерін ортаға салды. Ақын сөзіне жазылған әндер шырқалып, кешке ерекше леп берді. Өзара бәсекелестік бәйге арқылы жүзден жүйрік, мыңнан тұлпар шығып, жеңімпаздар анықталды. 70-тен астам оқушы қатысып,жыр додасының жеңімпаздары анықталды.Олар: Досболат Кәусар,  Бекболат Динара, Кеңесбай  Нұрай,Бөрібай Абылай, Салтанатқызы Еңлік, Серікбай Айым, Ауезхан Ақниет, Шагир Зара, Тұлтан Мағжан, Бауыржанұлы Азамат, Жұмабай Нұрдәулет т.б. Жеңімпаздарға дипломдармен бірге ақынның  жыр жинағы қоса табыс етілді.