Сыңғырла, соңғы қоңырау!

Соңғы қоңырау мерекесі ерекше қуанышпен қарсы алатын қадірлі мереке! Әсіресе,  үш толқын ұрпақтың ата-аналар мен ұстаздардың, оқушылардың жүздеріндегі алаулаған шаттықты, көздеріндегі шуақ­ты нұрды, көңілдеріндегі алабұртқан сезімді көргенде, кімнің де болса жан дүниесі толқымай тұра алмайды. Барша жанның қуаныш энергиясы мектеп ауласын керемет  толқынға толтырып,  кернеп кететіні  көрініп-ақ тұрады. Бүгін, 25 мамыр күні "Соңғы қоңырау" салтанатты жиыны №19 орта мектебінде өткізілді. Жиынға мемлекеттік кірістер департаментінің басшысы Сметов Шалқар Оңғарбайұлы,"Ащыбұлақ ауылдық округі әкімі аппараты" ММ бас маманы Ұлжан Еркінқызы және ардагер ұстаздар қатысты. Мектеп директоры Бейсенбаева Маржан Жұмабекқызы түлектерді құттықтап, белсенді оқушыларды марапаттады. Түлектердің алғашқы ұстаздары Солтанкулова Зулхия Асанхановна және Аримжанова Алма апайымыз ақ  тілектерін арнады.Мектептің атын оқушының саны емес,дарынды оқушының даңқы шығарады деген бар. Тоғызқұмалақ ойындарының рапид түрі бойынша жасөспірімдер чемпионы Дакен Ельдар Мұратұлына мектебіміздің атынан "Абай жолы" кітабы сыйға берілді. "Жас түлек-2022 - Қазақстанның ертеңі" атты бұл салтанатты жиын қимастық сезімге толы болды.Түлектер үшін соңғы қоңырау соғылды.2021-2022 оқу жылында мектебімізде 1584 оқушыдан 364 оқушы үздік, 554 оқушы екпінді атанды.Алтын белгіге 10 оқушы, 5 үздік аттестат  және  9  сыныптардан 19 оқушы үздік аттестат үміткерлері атанды.  Ұядан ұшқан түлектеріміздің  қадамдарына сәттілік тілей отырып, алдағы сынақтардан сүрінбей өтуіне тілектеспіз!