"Абай оқулары" атты өлеңді мәнерлеп оқу сайысы

Бүгін мектебімізде ұлы ақын, ағартушы, қазақ жазба әдебиетінің негізін қалаушы Абай Құнанбайұлының 180 жылдық мерейтойына арналған тағылымды іс-шара өтті.
Іс-шараның мақсаты – ұлт руханиятының символына айналған Абай мұрасын дәріптеу, оқушылардың әдебиетке деген сүйіспеншілігін арттыру және адамгершілікке, білімге, еңбекқорлыққа тәрбиелеу.

Шара барысында оқушылар Абайдың өлеңдерін мәнерлеп оқып, қара сөздерінен үзінділер келтіріп, әндерін орындады. Сондай-ақ, ақын өмірі мен шығармашылығына арналған көрме ұйымдастырылып, бейнероликтер көрсетілді.

Іс-шара соңында белсенді қатысқан оқушылар алғыс хаттармен марапатталды.
Мұндай рухани кездесулер жас ұрпақтың ұлттық құндылықтарға деген қызығушылығын арттырып, Абай өнегесін өмірде ұстануға үндейді.